Kryetari i Pejës, Gazmend Muhaxheri ka folur pas takimit që ka pasur sot me të dërguarin e posaçëm për Ballkanin Perëndimor, Gabriel Escobar, dhe ambasadorin amerikan, Jeff Hovenier.

Muhaxheri tha se gjatë takimit është vlerësuar jetik rrugëtimi i përbashkët në proceset integruese të Kosovës bashkë me SHBA.

Postimi i plotë:

Sot, i dërguari i SHBA-së për Ballkanin Perëndimor, z.Gabriel Escobar gjatë qëndrimit të tij në Kosovë është ndalur në Pejë.

Isha i nderuar, që bashkë me ekipin tim të isha nikoqir i takimit të z.Gabriel Escobar, i cili ishte i shoqëruar nga ambasadori i SHBA-së në Republikën e Kosovës, shkëlqesisë së tij z.Jeffrey M. Hovenier me bashkëpunëtorë.

Gjatë takimit me theks të veçantë nga të dyja palët është vlerësuar jetik rrugëtimi i përbashkët në proceset integruese të Kosovës bashkë me Shtetet e Bashkuara të Amerikës./Arbresh.info